Plantun de Prouvènço

Pèr coumpara dos planto d'encò nostre

Leontodon hispidus subsp. hispidus & Typha laxmannii

Moulin-de-prat

Leontodon hispidus subsp. hispidus

Asteraceae Compositae

Autre noum : Mounge.

Nom en français : Liondent hispide.

Descripcioun :
Lou moulin-de-prat es uno planto renadivo emé de racino que parton sus lou coustat. Si fueio soun quàsi entiero e sènso pecou. La subsp. hispidus èi la mai coumuno, si fueio soun gaire penado. La subsp. hyoseroides emé de fueio pu prefoudamen descoupado, se n'en destrìo subretout que trachis sus lis esboudèu. Coumpara emé la subsp. hyoseroides.

Usanço :
Li fueio, emai siegon pas di mai goustouso, soun manjadisso crudo o cuecho. Li racino podon servi en plaço dóu cafè .

Port : Erbo
Taio : 5 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : 1,5 à 2 cm
Flourido : Printèms - Estiéu - Autouno

Sòu : Ca
Autour basso e auto : 0 à 2700 m
Aparado : Noun
Abriéu à óutobre

Liò : Prado umido - Ribiero
Estànci : Mesoumediterran à Aupen
Couroulougi : Éurasiatico
Ref. sc. : Leontodon hispidus subsp. hispidus L., 1753

Fielouso(-de-Laxmann)

Typha laxmannii

Typhaceae

Àutri noum : Filouso, Sagno, Masseto.

Nom en français : Massette de Laxmann.

Descripcioun :
Aquesto fielouso o sagno trachis dins li roubino e en ribo d'aigo. La planto es eici pas tant verdalo que si cousino. Pèr la destria mai seguramen fau regarda li fueio que fan de 2 à 5 mm de larg, aleva aquéli di rejit que podon faire fin qu'à 8 mm. Causo impourtanto, lis auriheto di fueio d'en aut soun bèn marcado emé souvènt de pichòti pouncho (vèire la fotò).

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.